Realiteti i hidhur i bixhozit, historia e Vasilit: Shkatërrova familjen! (Video)

Duke pasur në fokus temën e bixhozit “Shqiptarët për shqiptarët” kanë takuar Vasilin, 37 vjeç jeta e të cilit është shkatërruar plotësisht nga ky ves.

Vasili jeton rrugëve të kryeqytetit, i vetmuar e i shkatërruar totalisht. Por jeta e tij shumë vite më parë ka qënë ndryshe, e lumtur pranë gjirit të një familjeje si gjithë të tjerët.Rreth 22 vite më parë, Vasili nisi të luante bixhoz dhe shumë shpejt pa e kuptuar as vetë u rrëmbye nga një vorbull me pasoja tronditëse.

Gjithçka nisi nga kurioziteti, si një lojë argëtuese mes shokësh dhe u shndërrua në një sëmundje të rrezikshme ndaj së cilës ai nuk po luftonte dot më. Vesi i kumarit e burgosi, e bëri pjesë të qelisë së padukshme të industrisë së bixhozit.

Lojërat e fatit e rrëmbyen Vasilin në një botë tejet të rrezikshme, ku çdo ditë e më shumë vetëm humbiste e nuk merrte asgjë në këmbim. Pas humbjeve të njëpasnjëshme, ai duhet të jepte paratë, në të kundërt mund të humbiste edhe jetën.