Në kohën kur shumë qytetarë po e lëshojnë vendin përmes rrugëve ilegale dhe atyre legale (me viza pune), një vendim të tillë e ka marrë edhe një ish-ushtar i UÇK-së, Shqiprim Lika. Lika ka thënë se vendin nuk e ka lëshuar në kohën e luftës por tani po ikën nga atdheu për shkak se i ka humbur shpresat se do të bëhet mirë. Por në një bisedë për Gazetën Express, këshilltari i kryeministrit Haradinaj, Gazmend Syla, thotë se Lika gëzon dy pensione.
Ish-ushtari i UÇK-së, Shqiprim Lika, gëzon dy pensione atë të invalidit dhe të TMK-së, thotë këshilltari i Haradinajt njëherit drejtori i zyrës së kategorive të dala nga lufta, Gazmend Syla.
“Ai e gëzon të drejtën e pensionit të invalidit të luftës. Minimalja e shkallës së invaliditetit është 225 euro, minimalja e pesnionit të TMK-së është 170 euro”, tha Syla për Gazetën Express.
Po ashtu i Lika ka edhe një banesë në Klinë të cilën ia ka dhënë Kuvendi Komunal. Madje ai së fundmi përveç rreth 400 eurove benificione nga shteti ishte punësuar edhe në një kompani private.
Paravësisht kësaj Lika ka vendosur ta lë Kosovën.
Megjithatë, Kryeministri Ramush Haradinaj ka thënë se të rinjtë duhet të synojnë jetën në Kosovë dhe ta zhvillojnë vendin.
“Dëshira jonë është ta bëjmë Kosovën Gjermani dhe Austri dhe jo të rinjtë tanë të shkojnë në Gjermani dhe Austri”, është shprehur gjatë ditës së sotme Haradinaj.
