Festimet për titullin e Barcelonës nuk u ndalën vetëm në “Camp Nou”.
Edhe Luis Enrique, ish-trajneri legjendar i katalunasve dhe aktualisht në krye të PSG-së, reagoi me entuziazëm pas fitores së “Blaugrana” ndaj Real Madridit në El Clasico, shkruan “Tuttomercatoweb”, përcjell “Gazeta Express”.
Gjithçka ndodhi në fund të konferencës për shtyp pas ndeshjes së PSG-së.
Teksa po largohej nga salla, një gazetar e informoi trajnerin spanjoll për rezultatin e Clasicos dhe për faktin se Barcelona e kishte siguruar praktikisht titullin kampion.
Reagimi i Luis Enriques ishte i menjëhershëm dhe krejt spontan.
Trajneri e ngriti grushtin dhe shpërtheu me një “Toma!”, një shprehje tipike spanjolle që përdoret për ta festuar një sukses apo për të shprehur entuziazëm.
First thing Luis Enrique wanted to know after PSG's game 😂
He still has Barcelona in his heart 🫶
🎥 @Mesli_Dounia pic.twitter.com/VV5W1ikZuK
— 433 (@433) May 10, 2026
Gjesti u bë menjëherë viral në rrjetet sociale dhe u komentua gjerësisht nga tifozët e Barcelonës.
Episodi e tregoi edhe një herë lidhjen e fortë emocionale që Luis Enrique vazhdon ta ketë me klubin katalanas.
Ish-mesfushori dhe ish-trajneri i Barcelonës ka shkruar histori me “Blaugrana”, si lojtar dhe si trajner, duke fituar gjithçka gjatë periudhës së tij në “Camp Nou”.
Edhe pse sot e drejton PSG-në dhe është i fokusuar te objektivat e klubit francez, emocionet për Barcelonën mbeten ende shumë të forta për trajnerin asturian.
Reagimi i tij pas triumfit në El Clasico u pa nga shumë tifozë si një dëshmi e dashurisë së pandryshuar ndaj klubit që e shënoi karrierën e tij. /Gazeta Express
