Kryeministrat e Shqipërisë e Serbisë, Edi Rama dhe Aleksandër Vuçiç, kanë dalë me një deklaratë të përbashkët, me rastin e 80-vjetorit të lindjes së aktorit të madh, Bekim Fehmiu. Ata vlerësojnë veprën e tij si artist e humanist dhe konfirmojnë mundësitë e mëdha për komunikim mes serbëve e shqiptarëve. Më poshtë teksti i plotë i deklaratës së Aleksandër Vuçiç e Edi Ramës:
“Me rastin e 80-vjetorit të lindjes, dëshirojmë të shprehim konsideratën tonë të lartë për veprën e një artisti dhe humanisti të madh, Bekim Fehmiut.
Bekim Fehmiu ka lënë një gjurmë të pashlyer mes shqiptarëve dhe serbëve. Jeta dhe arti i tij dëshmon se ne mund të komunikojmë, të kuptohemi e të mësojmë nga njëri-tjetri, se mund të gjejmë lumturi në bashkëjetesë e kështu të ndërtojmë një të ardhme të begatë për brezat që do të vijnë.
Bekim Fehmiu qëndron sot përpara nesh si dëshmitar i një fakti të pamohueshëm se cilindo rrugëtim të jetës të zgjedhim për të qënë bashkë, ajo rrugë do të jetë veçse pasuri për ne, shqiptarë dhe serbë”.
