Provinca është e populluar me ata që njihen si majmunët bishtëgjatë, që ngjiten nëpër banesa e u hidhen në qafë vizitorëve. Shumica e tyre nuk janë të rrezikshëm, por disave u pëlqen të kafshojnë.
“Njëri më kafshoi dje. U befasova pak, por mendoj se ai ishte një nga të këqinjtë, pasi të tjerët janë shumë miqësor”, thotë një turiste.
Aktiviteti konsiderohet si i rëndësishëm dhe u zhvillua pavarësisht periudhës së zisë në të cilën gjendet vendi për shkak të ndarjes nga jeta të mbretit Bhumibol Adulyadej, në muajin tetor. Gjithsesi, organizatorët rrëfejnë se në respekt të monarkut, ishin përpjekur të përmbanin atmosferën festive të eventit, që organizohet për të 28-in vit radhazi.
Rreth 3 mijë majmunë jetojnë në qytet e 7 mijë të tjerë janë të shpërndarë rreth provincës së Lopburi-t./t.ch
