Grupi i Qytetarëve të Pavarur që po e organizojnë protestën kundër rritjes së çmimit për energjinë elektrike do të organizojnë sot një aksion simbolik para zyrave të Zyrës së Rregullatorit të Energjisë (ZRRE).
Një grup qytetarësh po u bëjnë thirrje të gjithë qytetarëve që të mërkurën t’iu bashkohen në një protestë kundër rritjes së çmimit të energjisë elektrike.
Ata ftesën po e bëjnë nëpërmjet Facebook-ut, ku kanë shpjeguar se kjo protestë thirret nga një grup qytetarësh pa prapavijë partiake.
“Disa nga qytetarët e grupit organizativ ishin të përfshirë në protestat e vitit 2013 kundër skandalit të fryrjes së faturave nga KEK-u dhe disa të përfshirë në protestat me hashtag #protestoj.
Protesta ka për qëllim parandalimin e rritjes së çmimit të energjisë elektrike të paralajmëruar nga Qeveria e Kosovës”, thuhet në profilin e organizatorëve.
