Qindra persona marrin plagë gjatë therjes së kurbanit
Qindra njerëz kanë kërkuar ndihmë mjekësore në Turqi nga shkaku i lëndimeve të marra gjatë përdorimit të pashkathtë me thikë gjatë therjes së kurbanit në ditën e parë të Kurban Bajramit, raporton Anadolu Agency (AA).
Në shumë qendra të emergjencës anembanë Turqisë, u krijuan linja të pritjes nga qytetarët e shumtë të cilët kërkuan ndihmën mjekësore për prerjet në dorë ose këmbë gjatë therjes së kurbanit.
Në mesin e tyre, jo rrallë mund të shiheshin edhe persona të mitur, të cilët kishin provuar veten në ritualin e sakrifikimit të kafshës.
Në bazë të informatave të para të cilat i kanë marrë gazetarët e AA-së, në Sakarya, Kocaeli dhe Zonguldak, gjithësej 181 persona kërkuan ndihmë mjekësore, për prerje në ekstremitetet e tyre.
Në Kayseri, Sivas dhe Kirkale janë plagosur 120 persona ndërsa në Gaziantep, Kahramanmaras dhe Malatya 76 persona.
Lexo edheIndonezi, tërmetet kanë marrë jetën e 483 personave
Në Duzce, Bartin dhe Boluu, ndihmë mjekësore kërkuan 52 persona. Në Antalya, Mugla, Burdur dhe Isparta, janë plagosur 126, ndërsa në Denizli dhe Aydin u plagosën 182 persona.
Para festës së Kurban Bajramit mjekët këshilluan qytetarët që punën e therjes së kurbaneve t’ua lënë në dorë ekspertëve për të shmangur lëndimet e mundshme.
“Duhet lënë punën ekspertëve, unë nuk e bëra një gjë të tillë, dhe ky është epilogu”, thotë Mustafa Kiniq (54) i cili kishte pësuar të prera në dorë.
