Paneli Zgjedhor për Ankesa dhe Parashtresa (PZAP) ka marrë vendim në lidhje me ankesat e partive politike për zgjedhjet parlamentare të 6 tetorit, shkruan GazetaBlic.
Edhe pse Komisioni Qendror i Zgjedhjeve (KQZ) të enjten e kaluar ka shpallur rezultatet përfundimtare të zgjedhjeve të fundit në Kosovë, partitë politike të cilat kanë pakënaqësi të ndryshme kanë ushtruar ankesa në PZAP.
PZAP përmes një njoftimi në Facebook ka njoftuar se vendimet lidhur me ankesat e parashtruara ndaj vendimeve te KQZ-se pas shpalljes se rezultateve përfundimtare të zgjedhjeve do të publikohet sot në orën 15:00 ku do të lëshohet komunikatë për medie në Ueb Faqen zyrtare dhe në Facebook të PZAP-it, si dhe sa ma parë qe është e mundur.
Më poshtë mund ta gjeni njoftimin e plotë të PZAP-së:
Lidhur me vendosjen e ankesave nga PZAP-it pas shpalljes se rezultateve përfundimtare të zgjedhjeve të 06 tetorit 2019
Paneli Zgjedhor për Ankesa dhe Parashtresa – PZAP-i, njofton opinion publik se, sot deri në ora 10:50 do të vendosën të gjitha ankesat e paraqitura nga subjektet politike dhe kandidatet për deputet të cilat janë paraqitur pas shpalljes së rezultateve e përfundimtare të zgjedhjeve nga Komisioni Qendror i Zgjedhjeve – KQZ, me datën 07.11.2019.
Palët do të njoftohen me vendime për ankesat e tyre deri ne orët e pasdites së sotme.
Pas njoftimit të palëve me vendime rreth orës 15:00 të ditës së sotme do të lëshohet komunikatë për medie në Ueb Faqen zyrtare dhe në facebook të PZAP-it, si dhe sa ma pare qe është e mundur, PZAP-i do të publikon në Ueb Faqen zyrtare të PZAP-it, vendimet lidhur me ankesat e parashtruara ndaj vendimeve te KQZ-se pas shpalljes se rezultateve përfundimtare të zgjedhjeve.
