Punonjësit e Aeroportit Ndërkombëtar të Prishtinës “Adem Jashari” kanë pastruar ambientin brenda dhe jashtë rrethojave të aeroportit përgjatë rrugës kryesore, për të shënuar 5 Qershorin, Ditën Botërore të Mjedisit, raporton Periskopi.
Në aktivitetin e sotëm, përveç punonjësve të aeroportit, kanë marrë pjesë edhe nga menaxhmenti, përfshirë Kryeshefin Ekzekutiv të ANP-së, njëherit edhe Kryeshef i Sektorit të Aviacionit në ‘Limak’, Haldun Firat Kokturk.
Në këtë mënyrë, nga ANP njoftojnë se po përpiqen që të minimizojnë ndikimin në mjedis duke implementuar standarde mjedisore, për t’u bërë një aeroport i gjelbër.
Kështu, qëllim kryesor është që së bashku të ruajmë burimet natyrore duke kursyer energjinë dhe ujin, duke parandaluar ndotjen me menaxhimin e CO2, menaxhim e mbeturinave dhe duke rritur ndërgjegjësimin mes nesh për të respektuar mjedisin./Periskopi
