Linjat ajrore mund të kenë nivele të ndryshime shërbimesh dhe orare të ndryshme të fluturimeve, por disa gjëra mbeten konstante.
Nëpër linjat ajrore ushqimi në përgjithësi nuk është i mirë, banjat janë të ngushta dhe ulja në ndonjë vend tjetër përveç klasit të parë mund të jetë e pakëndshme.
Sigurisht që kur keni udhëtuar me aeroplanë e keni vënë re, se ulëset janë ngjyrë të kaltër. Por pse është kjo, më poshtë do të zbuloni arsyen.
Së pari, ngjyra e kaltër nëpër ulëse është shumë më e lehtë për t’u pastruar, ose të paktën mënyra më e mirë për të shfaqur një pamje pastërtie.
Një arsye tjetër është se shumë njerëz e lidhin ngjyrën blu me ndjenjen e paqes dhe të mirëqenies.
Duke marrë parasysh që disa njerëz përjetojnë ankth nga fluturimi, kjo ngjyrë jep një efekt qetësie.
Kompanitë ajrore amerikane, e zgjedhin ngjyrën e kaltër edhe si pjesë të logos së tyre, sepse bashkë me të kuqen përfaqësojnë ngjyrat e flamurit amerikan.
Në nivelin e korporatës, ai simbolizon një ndjenjë besueshmërie, një tjetër efekt pozitiv kur po lejoni që një pilot t’ju çojë nëpër qiell me shpejtësi deri në 575 milje në orë.
