Si Interi ashtu edhe Juventusi janë lidhur javët e fundit me një transferim të portierit të Liverpoolit, Alisson Becker.
Megjithatë, “Bianconeri” besojnë se mund të përmbushin kërkesat e tij për pagë dhe shpresojnë që edhe trajneri Luciano Spalletti të jetë një faktor bindës për brazilianin.
Të dy klubet pritet të kërkojnë portierë të rinj gjatë afatit kalimtar të verës.
Interi pritet të ndahet nga portieri 37-vjeçar Yann Sommer kur kontrata e tij të skadojë në fund të sezonit.
Ndërkohë, Juventusi nuk është plotësisht i bindur nga performancat e Michele Di Gregorio, i cili madje ka humbur statusin e portierit titullar në javët e fundit.
Si pasojë, disa objektiva transferimi janë të përbashkët për të dy klubet.
Guglielmo Vicario është një opsion për të dy skuadrat, ashtu si edhe Alisson i Liverpoolit.
Raportime të së enjtes sugjeruan gjithashtu se portieri i Aston Villës, Emiliano Martínez, mund të jetë një mundësi për Juventusin.
Megjithatë, sipas raportimit të “Gazzetta dello Sport”, Alissoni konsiderohet opsioni më “i besueshëm” për Juventusin.
Braziliani ka kontratë me Liverpoolin deri në fund të sezonit 2026/27, por Juventusi shpreson se klubi anglez mund të pranojë ta shesë, pasi në verë ai do të hyjë në vitin e fundit të kontratës.
Për më tepër, Liverpooli tashmë e ka gati zëvendësuesin e tij, Giorgi Mamardashvilin.
Juventusi nuk duket i shqetësuar as nga paga e Alisson.
Sipas raportimeve, ai aktualisht fiton rreth 6 milionë euro neto në sezon në “Anfield”, një shifër që do të përshtatej me strukturën e pagave të klubit italian.
Përveç Dušan Vlahović, kontrata e lartë e të cilit skadon këtë verë, Juventusi synon që lojtarët e tij të mos kalojnë pagën prej 7 milionë eurosh në sezon.
Një tjetër faktor është lidhja me trajnerin Spalletti, pasi Alisson ka punuar më parë me të tek AS Roma. Sipas raportit, nëse Spalletti arrin ta bindë brazilianin të transferohet këtë verë, negociatat me Liverpoolin mund të bëhen shumë më të lehta./GazetaExpress/
