Projekti më i madh i ripyllëzimit në botë
73 milionë pemë janë planifikuar të mbillen në Amazonë deri në vitin 2023, si pjesë e projektit më të madh të ripyllëzimit në botë.
Duke u përqendruar në 30,000 hektarë tokë, projekti synon të rikthejë mrekullinë natyrore të Amazonës në lavdinë e saj të mëparshme.
Projekti, i udhëhequr nga organizata mjedisore amerikane jofitimprurëse “Conservation International”, do të jetë restaurimi më i madh i pyjeve tropikale në botë dhe do të ndihmojë Brazilin të arrijë qëllimin e tij për ripyllëzimin e 12 milionë hektarë tokë deri në vitin 2030.
Rreth 20 për qind e pyjeve të Amazonës janë prerë që prej viteve 1970, gjë që pati ndikim të madh në klimën e rajonit dhe planetit.
Pylli tropikal i Amazonës mbulon pjesën më të madhe të Brazilit veriperëndimor dhe shtrihet në Kolumbi, Peru dhe vende të tjera të Amerikës Jugore.
Lexo edheShtrëngim duarsh dhe arritje marrëveshje
Ai është pylli më i madh tropikal në botë, i famshëm për biodiversitetin e tij.
Sipas një studimi të vitit 2015 nga Organizata e Ushqimit dhe Bujqësisë e Kombeve të Bashkuara, më shumë se 1.29 milion kilometra katrorë nga pyjet e botës janë prerë që nga viti 1990.
