Kandidati për kryeministër nga radhët e Lëvizjes Vetëvendosje, Albin Kurti, ka bërë të ditur përmes një postimi në Facebook se lëvizjes i është bashkuar edhe një Doktor i Shkencave të Kimisë, profesori në Fakultetin e Mjekësisë, Azem Lajçi.
Kurti e ka prezantuar Lajçin ku thotë se studimet themelore i ka përfunduar në Fakultetin e Shkencave Matematiko-Natyrore në UP në Kosovë, kurse magjistraturën dhe doktoratën në Universitetin e Zagrebit.
“Ai ka publikuar më shumë se 30 punime shkencore brenda dhe jashtë vendit, si dhe ka shkruar tekste universitare për studentët e mjekësisë, stomatologjisë dhe biologjisë. Azemi tani ligjëron në Fakultetin e Mjekësisë, në UP, lëndët Kimi Mjekësore dhe Kimi e Përgjithshme. Me dijen dhe përvojën e tij në shkencë e në hulumtime Lëvizja është më e plotë dhe më e pasur”, ka shkruar Kurti në profilin e tij në Facebook.
