Mbrëmë vonë në Prishtinë në zonën e sheshit “Nëna Terezë” janë shkruar disa parulla në lidhje me vdekjen e Astrit Deharit.
Ato janë shkruar në objektin që e ndajnë Ministria e Kulturës, Rinisë dhe Sportit, ajo e Diasporës, si dhe ajo e Bujqësisë, transmeton Koha.net.
“Astritin e vrau pushteti” dhe “Drejtësi për Astritin” janë dy parullat që janë shkruar në mur. Kapur me to është shkruar edhe “VV”.
Astrit Dehari vdiq në burgun e Prizrenit dhe ende nuk ka një raport final se Dehari është vrarë apo është vetëvrarë. Ajo që dihet nga raporti i autopsisë është se 26 vjeçi ka vdekur nga asfiksia, bllokimi i rrugëve të frymëmarrjes.
![Featured image for Prishtina zgjohet me parulla për rastin Dehari [foto]](/_next/image?url=https%3A%2F%2Fapi.drenicapress.org%2Fwp-content%2Fuploads%2F2016%2F11%2Fparulla-e1478945805699.jpg&w=3840&q=75)
