Princesha sinjalizon fillimin e garës, kryeministri humb dëgjimin (Video)

Kryeministri belg, Charles Michel, është ballafaquar me një situatë të rrezikshme, duke pësuar humbje të pjesshme të dëgjimit derisa po merrte pjesë në një garë sportive të një vrapimi në Bruksel.

Siç shkruajnë mediat e huaja, përcjell Telegrafi, bëhet fjalë për momentin kur princesha Astrid kishte qëlluar me një pistoletë për të dhënë sinjalin e hapjes së vrapimit.

Edhe pse reagimi i kryeministrit në ato momente ka qenë me një buzëqeshje, megjithatë, më vonë është bërë e ditur se ai kishte nevojë për trajtime mjekësore.

“Kryeministri duhet të ndjekë një numër trajtimesh”, u ka thënë gazetarëve zëdhënësi i tij, Barend Leyts.