Presidenti Hashim Thaçi kohëve të fundit i është kthyer temave që kanë të bëjnë me Ushtrinë Çlirimtare të Kosovës, shkruan Gazeta Blic.
Ai gjatë ditës së sotme, ka vizituar shtëpinë e Hasan Tahirit dhe Idriz Nurakut nga Drenica, për të cilat presidenti tha se shtëpitë e tyre ishin bazat e para në të cilat qëndruan personalitetet e rëndësishme të UÇK-së.
Thaçi shtoi se në këto dy shtëpi janë marrë vendime të rëndësishme gjatë periudhës së luftës së fundit në Kosovë.
Në shtëpitë e Hasan Tahirit dhe Idriz Nurakut në Plluzhinë, baza të UÇK-së, sot u përuruan pllakat memoriale. Këto dy shtëpi, ashtu si shumë të tjera në Drenicë, ishin ndër bazat e para ku qëndruan personalitete të rëndësishme të UÇK-së dhe u morën vendime të rëndësishme gjatë kohës së luftës! HTH
