Policia jep detaje për vrasjen në Prishtinë

“Sot rreth  orës 21:00, policia  ka marrë informacionin se në lagjen Vererrnik në Prishtinë,  ka pasur të shtëna me armë zjarri. Menjëherë pas marrjes së këtij informacioni në vendin e ngjarjes kanë dalë të gjitha njësitet  e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes”, ka treguar për Express, Flora Ahmeti zyrtare për informim në Policinë e Kosovës.

“Me të dalë në vendin e ngjarjes policia ka hasur ne personin  mashkull, i cili pas plageve qe ka marrë nga arma e zjarrit ka nderruar jetë. Vdekjen e tij e ka konstatuar ekipi mjekesor ne vendin e ngjarjes”.

Ndërkohë që hetuesit policor, me një intensitet të shtuar kanë ndërmarrë një varg  veprimesh operative e hetimore, në përpjekje për  të ndriçuar dhe sqaruar të gjitha rrethanat që kanë të bëjnë me rastin.