Policia në Indi ka zbuluar 18 punëtorë brenda një mikseri të betonit duke provuar të udhëtojnë në shtëpi, duke shkelur kështu masat për kufizimet e lëvizjes si pasojë e koronavirusit.
Ata u kapën në momentin kur policia ndaloi një mikser çimentoje në Madhya Pradesh.
Këta punëtorë që kanë lënë fshatrat e largëta të Indisë, për të punuar në qytetet urbane për pagat e përditshme, tani po përpiqen të kthehen në shtëpitë e tyre, transmeton KosovaPress.
Ata ecin me ditë të tëra në fund, në nxehtësinë e padurueshme të verës në Indi, duke luftuar me urinë dhe etjen. Shumë prej tyre mbajnë në supe foshnjat dhe disa kanë vdekur gjatë rrugës, raportojnë mediat nga India.
- Advertisement -
