Policia e Ferizajt ndan mirënjohje për Njësinë e Reagimit të Shpejtë

Drejtori Rajonal i Policisë në Ferizaj, nënkolonel Faton Pllana, ka ndarë mirënjohje për Njësinë e Reagimit të Shpejtë (NJRSH), e cila operon në kuadër të Drejtorisë Rajonale të Policisë në Ferizaj, si dhe për disa pjesëtarë të kësaj njësie.

Mirënjohjet janë ndarë në shenjë vlerësimi për angazhimin dhe kontributin e vazhdueshëm të pjesëtarëve të NJRSH-së në realizimin e planeve operative dhe përmbushjen me sukses të objektivave të përcaktuara.

Me këtë rast, drejtori Pllana ka vlerësuar angazhimin profesional të pjesëtarëve të NJRSH-së, gatishmërinë e tyre operative dhe përkushtimin në realizimin e detyrave policore.