Kryetari i Prishtinës, Përparim Rama, ka publikuar pamje nga punimet që kanë nisur në rrugën “Agim Ramadani”, në kryeqytet.
Kamionë dhe ekskavatorë shihen në videon e shpërndarë në rrjetet sociale, nga punimet që filluan sonte.
Punimet në një prej rrugëve kryesore të kryeqytetit po zhvillohen në vazhdën e rregullimit të shumë rrugëve, shkruan IndeksOnline.
Sipas njoftimit të komunës, punimet janë paraparë të zgjasin dy ditë.
Ato to do të zhvillohen nga semaforët e Mensës së Studentëve, deri te kryqëzimi te semaforët e Ministrisë së Arsimit.
“Gjatë kësaj periudhe, luteni të përdorni rrugë alternative dhe të respektoni sinjalizimin e përkohshëm të trafikut” u shpreh komuna.
