Është pezulluar veprimtaria e një organizate joqeveritare të serbëve të veriut shkaku i një “aktiviteti militar” që e ka zhvilluar gjatë verës së vjetme. Autoritetet kanë konsideruar se aktiviteti ka rënë ndesh me rendin kushtetues të Kosovës, shkruan sot Koha Ditore.
Në gushtin e vitit të shkuar organizata joqeveritare “Airsoft Club Vukovi” ka organizuar në malin “Koporiçev” të Leposaviqit një lojë airsofti. Ky sport ka karakter lufte dhe në të gara bëhet për ta eliminuar kundërshtarin. Aktiviteti ishte emërtuar “Operation Fenix – Kosovo 2016”.
Disa nga pjesëmarrësit mbanin uniforma ushtarake dhe flamurin e Serbisë në krah. Po kështu, edhe armë, për të cilat autoritetet e Kosovës kanë thënë të mos kenë qenë të vërteta.
