Ish-diplomati austriak, Wolfgang Petritsch, ka thënë se mbajtja e zgjedhjeve të njëpasnjëshme ka shkaktuar një humbje të madhe të besimit në Kosovë.
Petritsch ka vlerësuar se edhe vendet mosnjohëse të Kosovës, duke parë situatën politike në vend, mund të forcojnë qëndrimin e tyre për të mos e pranuar pavarësinë e Kosovës.
“Çfarë të njohim, qe një vit e gjysmë s’ka qeveri stabile. S’mund të zgjedhin president. Bëhet fjalë për një humbje dramatike të besimit se Kosova po përpiqet dhe të jetë shtet serioz”, ka thënë Petritsch për rel.
Ai ka theksuar se qytetarët duhet t’i kërkojnë llogari partisë që drejton institucionet e vendit.
“Unë s’dua të përfshihem në politikën e brendshme dhe s’di si do të zhvillohen zgjedhjet e ardhshme, por qytetarët duhet t’i thonë partisë dominuese dhe liderit të saj se është koha të veproni, të bëni diçka”, ka theksuar ai.
- Advertisement -
