Në gusht të 2016-të, aktivistët e Lëvizjes Vetëvendosje, ndërmorën një aksion duke dërguar një pankartë tek shtëpia e Kadri Veselit në Mitrovicë. Atyre përveç që iu doli kundër Policia e Kosovës, kundër ishin edhe disa banorë.
Njëri ndër ta, ishte personi që sot preu shiritin e shkollës “Ismail Qemaili” në Mitrovicë, në vend te kryetarit të Komunës, Agim Bahtirit.
Pas kësaj, erdhën deklarata nga i pari i Komunës së Mitrovicës, që ky person është nip i Kadri Veselit.
Por, para pak çastesh qytetari i Mitrovicës në një intervistë, tha se nuk i takon asnjë partie, vetëm e ka bërë këtë për të iu hakmarrë Agim Bahtirit që nuk e ka punësuar, pasi që, sipas tij, ai i kishte premtuar dy vende pune.
Gazeta Insajderi, mblodhi këto dy video, ku paraqitet njeriu i njëjtë si në 2016-të ashtu edhe sot në 2019-të./ Insajderi.com
