Më rastin e shënimit të 23 vjetorit të rënies së dëshmorëve, Bejtë e Hajzer Rexhepi, Fazli Qerkini, Mehdi Hoxha, Agron Berisha e Naim Tiku, kryetari i Komunës, Ramiz Lladrovci, nënkryetari Arben Shala, drejtor të drejtorive komunale e staf komunal, kanë bërë homazhe në Kompleksin e Varrezave të Dëshmorëve në Marinë dhe kanë vendosur buqeta me lule të freskëta.
Kryetari Lladrovci ka vlerësuar kontributin e tyre për çlirimin e vendit, duke theksuar se jeta dhe vepra e tyre mbetet pjesa më e lavdishme në historinë tonë.