Ish-kandidati për deputet i LDK-së, Vebi Mujku emërohet Kryeshef Ekzekutiv i “Pallatit të Rinisë”

Vebi Mujku, ish-kandidat për deputet nga radhët e LDK-së, ka marrë detyrën e Kryeshefit Ekzekutiv të Ndërmarrjes Publike Lokale “Pallati i Rinisë” në Prishtinë.

Lajmin e ka bërë të ditur vetë Mujku përmes një postimi në Facebook, ku ka thënë se këtë përgjegjësi e nis me përkushtim dhe synimin për të kontribuar në zhvillimin e ndërmarrjes, transmeton lajmi.net.

Ai ka theksuar se prioritet do të ketë punën e ndershme, bashkëpunimin me kolegët dhe gjetjen e zgjidhjeve për sfidat me të cilat përballet ndërmarrja.

Postimi i plotë: 

Sot mora detyrën e Kryeshefit Ekzekutiv të N.P.L. “Pallati i Rinisë” Sh.A. E nis këtë punë me përgjegjësi dhe me dëshirën për të dhënë kontributin tim në një ndërmarrje që ka një vend të veçantë në jetën e Prishtinës.