back to top
Tuesday, August 12, 2025
BallinaLajmePërgjaken rrugët e Kosovës, tre të vdekur në 24 orëshin e fundit

Përgjaken rrugët e Kosovës, tre të vdekur në 24 orëshin e fundit

Të ngjajshme

Raportohet për intensifikim të sulmeve izraelite në Gazë

Agjencia për mbrojtje civile në Gazë tha se sulmet...

Zjarret në Gramsh, konfirmohet viktima e parë në Shqipëri

Është konfirmuar viktima e parë nga zjarret e këtij...

Konfirmohet viktima e parë nga zjarret në Gramsh

Është konfirmuar viktima e parë nga zjarret e këtij...

Zaptimi pa leje i hapësirave publike, Rama ndan pamjet: Çlirimi vazhdon

Lirimi i hapësirave publike nga subjektet që kanë zaptuar...

Policia e Kosovës ka njoftuar se në rrugët e Kosovës, vetëm në 24 orëshin e fundit kanë ndodhur tre aksidente të cilat kanë përfunduar me fatalitet.

Në Lipjan, dje në orët e hershme të mëngjesit (03:20), një mashkull, gjersa ishte duke drejtuar veturën e tij është vet-aksidentuar dhe si pasojë ngasësi ka ndërruar jetë, ndërsa një pasagjere ka pësuar lëndime trupore dhe është dërguar për trajtim mjekësor.

Me urdhër të prokurorit trupi i pajetë është dërguar në Institutin e Mjekësisë Ligjore për obduksion.

Po ashtu, në Drenas rreth orës 02:10, një mashkull, gjersa ishte duke drejtuar veturën, ka humbur kontrollin dhe është aksidentuar.

“Si pasojë ngasësi dhe tre pasagjerë kanë pësuar lëndime trupore dhe janë dërguar për trajtim mjekësor në QKUK. Gjatë trajtimit mjekësor, një pasagjer mashkull K/Shqiptar ka ndërruar jetë dhe me urdhër të prokurorit trupi i pajetë është dërguar në Institutin e Mjekësisë Ligjore për obduksion”, thotë Policia, raporton Koha.net.

Ndërkaq, në Prishtinë, gjegjësisht në rrugën “Vëllezërit Fazliu”, dje në orët e pasdites (17:13), ka ndodhur një aksident trafiku në mes të dy veturave me ngasës meshkuj me ç’rast nga veturat e aksidentuara është goditur edhe një këmbësor mashkull, i cili si pasojë e lëndimeve të marra ka ndërruar jetë në QKUK.

Me urdhër të prokurorit trupi i pajetë është dërguar në Institutin e Mjekësisë Ligjore për obduksion, ndërsa njeri nga ngasësit është arrestuar dhe dërguar në mbajtje.

- Advertisement -

Të Fundit