Zviceranët vazhdojnë të posedojnë më së shumti pasuri për kokë banori në botë, me një shumë prej 567 mijë dollarësh. Në një listë prej 100 shteteve, Kosova radhitet e 95’ta me 23.150 euro, duke qëndruar kështu dy vende më lartë se Serbia, transmeton Gazeta Metro.
Web-faqja e njohur e statistikave ‘Statista’ së fundi ka publikuar një listë prej 100 vendeve, dhe pasurinë e secilës për kokë banori.
Jo çuditërisht, në këtë listë shteti i parë me më së shumti pasuri për kokë banori është Zvicra me 567 mijë dollarë, pasuar nga Hong Kong dhe Shtetet e Bashkuara të Amerikës.
Pjesë e kësaj liste ka qenë edhe Kosova, e cila është radhitur e 95’ta prej 100 sa ishin, me 23.150 mijë euro në vit për kokë banori.
Serbia vjen në dy pozita pas Kosovës, me 22.500 euro.
Këto shifra të radhitura nga ‘Statista’, si kriter për vlerësimin e pasurisë kanë marrë të gjitha investimet e kapitalit, vlerat dhe patundshmëritë në dispozicion.
Listën e plotë mund ta gjeni duke klikuar KËTU./gazetametro.net
