Pas pushimeve romantike, Ellie Goulding shfaqet me një pamje të re dhe elegante

Këngëtarja britanike Ellie Goulding ka tërhequr vëmendjen me paraqitjen e saj elegante në një event luksoz të organizuar në Londër, ku për herë të parë u shfaq me një model të ri flokësh me balluke.

Ylli i muzikës, 39 vjeçe, mori pjesë në hapjen e dyqanit kryesor të markës së njohur të bizhuterive Boodles, në Old Bond Street, të enjten.

Goulding u shfaq me një këmishë rozë me vija të holla dhe një fund midi prej lëkure të zezë. Ajo e kompletoi veshjen me këpucë me taka të hapura dhe bizhuteri shkëlqyese nga marka luksoze, duke spikatur me stilin e saj të veçantë, shkruan Daily Mail

Eventi u zhvillua në një ndërtesë luksoze me shtatë kate, ku të ftuarit patën mundësinë të shijonin ambientet e dekoruara me diamantet karakteristike të Boodles.