Pas dënimit të Kadri Veselit, djali i tij rrëfen momentet e vështira

Klestor Veseli, djali i ish-kryeparlamentarit Kadri Veseli, ka reaguar përmes disa postimeve në Instagram, një ditë pas shpalljes së aktgjykimit ndaj ish-krerëve të UÇK-së në Hagë.

Kadri Veseli u dënua me 18 vjet burgim nga Dhomat e Specializuara të Kosovës, në aktgjykimin e shkallës së parë të shpallur më 16 shtator.

Klestor Veseli ka përshkruar momentet para dhe gjatë shpalljes së vendimit, duke treguar se natën para aktgjykimit kishte qëndruar me familjarët e tij.

“Natën e 15 Shtatorit, ja arrita të fle gjumë, por jo të pushoj. Atë natë kisha shkuar të shoh axhallarët e mi, të përqafoheshim fort dhe të mundoheshim t’ja japim një farë force e kurajo përballë asaj që na priste nesër”, ka shkruar ai.