Partia Euroatlantike e Kosovës (PEK) e cila ka pak kohë që ka filluar punën e saj si parti e re, ndërsa punët e kësaj partie deri më tani janë kryer në zyrën e saj në qendër të Prishtinës, por siç duket punët i kanë përfunduar, shkruan GazetaBlic.
PEK-u e udhëhequr nga kryetari i saj, Milaim Zeka, pas përfundimit të zgjedhjeve është “dorëzuar” ku ka lëshuar zyrat e partisë me qira, ku deri më tani funksionin e saj e ka kryer tek zyrat e saja në rrugën “Tringë Smajli”.
Gjatë ditës së sotme pranë partisë është vendosur një njoftim ku tregon se zyra në këtë objekt ipet me qira, ku bashkëngjitur është edhe një numër kontaktues për të interesuarit.
Kjo parti në zgjedhjet e fundit parlamentare në Kosovë, më 6 tetor, ka garuar si subjekt i vetëm politik duke mos bashkëpunuar me asnjë parti tjetër për ndonjë koalicion parazgjedhor, ndërsa ka arritur të marr mbështetje nga 1.078 votues apo 0,14%, duke mos u afruar aspak tek pragu prej 5% për të qenë pjesë e Kuvendit, shkruan GazetaBlic.
