Parlamenti Evropian ka theksuar se Serbia duhet të tregojë përkushtim të vërtetë ndaj vlerave të Bashkimit Evropian, duke vlerësuar se deklarimet për anëtarësim nuk janë të mjaftueshme nëse nuk shoqërohen me veprime konkrete.
Sipas një mesazhi të publikuar nga Parlamenti Evropian, qeveria serbe vazhdon ta paraqesë anëtarësimin në BE si objektivin e saj strategjik, megjithatë eurodeputetët theksojnë se kjo shpesh nuk reflektohet në politikat dhe veprimet e saj.
Parlamenti Evropian nënvizon se përparimi i Serbisë në rrugën drejt anëtarësimit në Bashkimin Evropian mund të arrihet vetëm përmes zbatimit të reformave në fushën e sundimit të ligjit dhe forcimit të standardeve demokratike./Lajmi.net/
