Hani i Elezit, Me rastin e ndalimit të autobusi që vinte nga Turqia janë gjetur mallra të ndryshme të cilat ishin fshehur në sistemin e ftohjes.
Oficerët doganor kanë gjetur sasi të konsiderueshme të mallrave në kuadër të planit operativ dhe aplikimit të ndalesave rrugore në afërsi të Pikë kalimit kufitar Hani i Elezit.
Fillimisht oficerët doganor kanë filluar me kontrollimin e pasagjerëve dhe bagazhit të tyre, pastaj duke vazhduar me kontrollimin e të gjitha hapësirave të tjera që mund të përdoren për fshehjen e mallrave apo gjësendeve tjera. Gjatë kontrollimit detal të autobusit të lartpërmendur, në hapësiren e ftohësit të klimatizimit të autobusit (pas hajes së kapakut në dysheme) janë gjetur mallra të fshehura si fustana solem, autopjesë dhe njehsor elektronik në sasi të konsiderueshme
Mallrat janë konfiskuar ndërsa rasti është referuar në zyrën për kundërvajtje doganore.
