Panikoset Arban Abrashi, anulon përballjen televizive kundër Shpend Ahmetit

Nënkryetari i Vetëvendosjes, Dardan Sejdiu ka njoftuar se Arban Abrashi, kundërkandidat i Shpend Ahmetit në balotazh për Prishtinën, ka anuluar debatin e planifikuar për nesër.

Sipas Sejdiut, ishte paraparë disa ditë më parë që debati të mbahej në emisionin “Interaktiv”, por sonte është paralajmëruar mospjesëmarrja e Abrashit, shkruan Periskopi.

Sejdiu tha se kur në debate merrnin pjesë 6 kandidatët, “argatin” Abrashit ia bënte Lirak Çelaj, ndërsa tash po arsyetohet për t’i ikur debatit.

Njoftimi i plotë nga Sejdiu:

Debati i parë në mes të Shpendit dhe LDK ka qenë i planifikuar për nesër në Interaktiv. Debati i parë është konfirmuar qe disa ditë. Sonte na lajmëruan se pala tjetër ka anuluar pjesëmarrjen.