Carlos Tevez i ka ndihmuar Boca Juniorsi ta fitojë titullin në Primera Division në Argjentinë, duke e shënuar golin e triumfit drithërues 1:0 ndaj Gimnasia y Esgrima La Plata të shtunën në mbrëmje.
Goli i Tevezit nga 18 metra në minutën e 72-të në La Bombonera ia siguroi Bocas fitoren e ngushtë ndaj GImnasias së Diego Maradonas, raporton Gazeta Express.
Këto tri pikë nënkuptojnë se Boca e mbyll sezonin në vendin e parë në renditjen tabelore, me vetëm një pikë më shumë se River Plate, klubi rival i cili u ndal me barazim 1:1 nga Atletico Tucuman.
Ky është titulli numër 34 për Bocan, vetëm dy më pak se rekordi prej 36 titujsh që mbahet nga River Plate./Gazeta Express/
https://twitter.com/simplyfutbal9/status/1236505645697748993?ref_src=twsrc%5Etfw%7Ctwcamp%5Etweetembed%7Ctwterm%5E1236505645697748993&ref_url=https%3A%2F%2Fwww.gazetaexpress.com%2Fpamje-tevez-me-supergol-ia-fiton-titullin-boca-juniorsit%2F
