Forcat Speciale për Shpëtim të Policisë, zhytësit dhe njësitet e FSK-së, janë duke i vazhduar kërkimet për dy policët kosovarë, të cilët kanë rënë në lumin Lepenc, teksa po udhëtonin me veturë zyrtare. Zhytësit gjatë kërkimeve kanë gjetur disa pantallona të cilat i kanë marrë në cilësinë e provave materiale. Nuk dihet nëse të njëjtit i përkisnin ndonjërit prej policëve të zhdukur, raporton Express
Kërkimet po zhvillohen përgjatë zonës kufitare Maqedoni-Kosovë, në afërsi të Bllacës. Zhytësit gjatë kërkimeve kanë gjetur disa pantallona të cilat i kanë marrë në cilësinë e provave materiale. Nuk dihet nëse ato i përkisnin ndonjërit prej policëve të zhdukur.
Ndërkohë që në vendin e ngjarjes tashmë gjendet edhe kryeprokurori i prokurorisë Themelore të Ferizajt, Shukri Jashari.
Deri më tani nuk është arritur që të gjenden trupat e dy policëve të zhdukur.
Policët Malsor Shemsedin Dashi dhe Armend Mifail Trena janë zhdukur që nga mbrëmja e së shtunës, teksa ishin duke udhëtuar në rrugën Hani i Elezit – Kaçanik. Vetura e tyre ka rënë në lumin Lepenc.
