Pamje të reja: Çastet e para pas përplasjes së kamionit në Gjilan

Dje pasdite në qytetin e Gjilanit ka ndodhur një aksident trafiku ku shoferi i një kamioni ka humbur kontrollin mbi automjetin dhe ka goditur gjithçka që i ka dalë përpara.

Për pasojë një person ka humbur jetën dhe dhjetëra të tjerë janë lënduar.

Drejtori i Spitalit Rajonal të Gjilanit, Nisret Hajrullahu ka konfirmuar për Klan Kosova se 11 veta janë të shtrirë në këtë spital dhe se janë duke u bërë ekzaminimet e fundit që tyre ku dhe pritet që disa të lëshohen për në shtëpi.

Nga QKUK, zëdhënësi Shpend Fazliu ka konfirmuar se janë duke u trajtuar tre veta të aksidentuar dje.