Zyrtarisht në Kosovë janë konfirmuar pesë raste me virusin Covid-19.
Pamjet e bëra në Prishtinë të rrënqethin duke e parë këtë qytet tërësisht të zbrazët pa vetura dhe pa njerëz në rrugë.
Kjo ka ardhur si pasojë e vendimit të Qeverisë së Kosovës për parandalimin e përhapjes së koronavirusit. Deri më tani, janë mbyllur shkollat, të gjitha kafiteritë, restorantet, e dyqanet të cilat frekuentohen në masë të madhe nga qytetarët.
Kujtojmë se në Klinë, Viti e Malishevë janë ndaluar hyrje-daljet. Pasi nga këto tri qytete janë të prekurit me koronavirus.
Por, të izoluar po qëndrojnë edhe prishtinasit, e kjo më së miri shihet në fototo e realizuara nga fotografi Marjan Komani, këtë të diele në Prishtinë.
Sheshet e rrugët e kryeqytetit po qëndrojnë të heshtura e pa njerëz, të cilët si masë kryesore mbrojtëse ndaj virusit, po e praktikojnë qëndrimin nëpër shtëpitë e tyre.
Foto nga Prishtina
Ndryshe, për parandalimin e përhapjes së koronavirusit të ri, Qeveria e Kosovës ka vendosur t’i ndërmarrë disa masa parandaluese, përfshirë edhe mbylljen e shkollave në të gjitha nivelet deri më 27 mars./GazetaExpress/
