Pagat nisin të ekzekutohen për punëtorët teknikë të shkollave në Prishtinë, Azemi thotë se greva vazhdon deri në shlyerjen e borxheve

Kreu i Sindikatës për Sektorin Privat, Jusuf Azemi e ka dhënë një lajm të mirë sa i përket ekzekutimin të pagave për punëtorët teknik të shkollave fillore dhe të mesme nga Komuna e Prishtinës.

Ai këtë lajm e ka konfirmuar në emisionin “Përditë” në Kanal 10.“Kam informacion se Komuna e Prishtinës veç ka filluar ta bëjë ekzekutimin e pagave për punëtorët teknik të shkollave në kryeqytet”, tha ai, duke shtuar se megjithatë këto mjete do të ndahen jo konform Ligjit të Qeverisë .

Sipas tij, vendimi i tyre është përfundimtar që vetëm kur të paguhen të gjitha borxhet ne do t’i kthehemi punës.