Gazeta Blic merr vesh se Isa Mustafa në letrën qe ia ka dërguar Vetëvendosjes ka kërkuar që kryeparlamentari t’i kthehet LDK-së.“Në këtë letër ndër të tjera Isa Mustafa ka kërkuar nga Vetëvendosje që t’ia kthej postin e kryetarit të Kuvendit LDK-së, deri në zgjedhjen e presidentit. Në momentin që president zgjedhet i propozuari nga LDK, atëherë VV-së do t’i kthehet kryetari i Kuvendit”, tha ky burim.Sipas këtij burimi, Isa Mustafa nuk është pajtuar për shtimin e numrit të ministrive.
“Ministritë do të ndahen 5 me 5”, tha ky burim i Gazeta Blic.
Zëdhënësi i LDK-së, Besian Mustafa, ka njoftuar se këtë ofertë e kanë përcjellë me shkrim me kërkesë të kryetarit të LV-së, Albin Kurti.“Sot, kryetari i LDK-së z. Mustafa, me kërkesë të kryetarit të LVV-së z. Kurti, i ka dërguar me shkrim propozimin e LDK-së të shpalosur verbalisht në takimin e 8 janarit 2020”, ka deklaruar LDK-ja.
