Raportet nga Spanja bëjnë të ditur se Princi i Kurorës së Arabisë Saudite, Mohammed bin Salman, është i interesuar të investojë në Barcelonë, me një ofertë të mundshme deri në 10 miliardë euro.
Sipas El Chiringuito, kjo lëvizje lidhet me strategjinë e Arabisë Saudite për të zgjeruar ndikimin në sport. Barcelona aktualisht ka borxhe mbi 2.5 miliardë euro, çka e bën klubin tërheqës për investitorë të fuqishëm.
Megjithatë, një blerje e plotë është e pamundur, pasi Barcelona është në pronësi të socios-ve (anëtarëve) dhe nuk mund të shitet një entiteti të huaj. E vetmja mundësi do të ishte investimi i PIF në sektorin argëtues apo komercial të klubit, pa kontroll mbi aspektin sportiv.
Si përfundim, megjithëse interesimi ekziston, marrja e plotë e Barcelonës nga Arabia Saudite mbetet shumë pak e realizueshme.
