Tërmete të fuqishme kanë goditur vendin orët e para të mëngjesit të sotëm, me epiqendër në Durrës.
Për pasojë hoteli “Vila Palma”, është shembur i tëri duke u marrë jetën dy personave që ndodheshin brenda, babait dhe djalit të pronarit. Nga ana tjetër, edhe nëna e pronarit ndodhej brenda, por ajo kërkoi ndihmë duke bërtitur dhe u shpëtua në kohë.
Mësohet nga dritare.net se pronarët e këtij hoteli janë shefja e Urbanistikës së Kavajës, Dëshira Qato, bashkëshorti i saj Arben Qato.
Të dy janë inxhinerë dhe kanë projektuar të gjithë hotelet afër zonës, por vetëm i tyri është shembur.
Mbrëmë ata nuk kishin fjetur në hotel, por në shtëpinë e tyre, ndërkaq mësohet se djali kishte prerë biletë për të shkuar pranë të dashurës së tij jashtë vendit, por fatkeqësisht humbi jetën.
