Presidenti i Serbisë, Aleksandër Vuçiq po vazhdon vizitën e tij në Kosovë, që nga dita e djeshme.
Sot, Vuçiq kishte në plan të vizitonte banorët serb të fshatit Banjë të Drenicës. Por, banorë të shumtë të kësaj anë kundërshtuan atë duke krijuar bllokada në vende të ndryshme, transmeton Indeksonline.
Ndërkohë që forca të shumta policie janë parë edhe në magjistralen Prishtinë- Mitrovicë.
“Policia e Kosovës është institucion i zbatimit të ligjit, dhe të gjitha veprimet e saja do ti ndërmerr konform autorizimeve ligjore dhe vendimit të institucioneve shtetërore të RKS-së, që ka të bëjë me vizitën e presidentit të Serbisë, për në rajonin e Drenicës.”, ka thënë në një prononcim për Indeksonline, zëdhënsi i Policisë së Kosovës Daut Hoxha.
Vlen të përmendim faktin se Vuçiq aktualisht ndodhet në sheshin Car Llazar në veri të Mitrovicës. /Indeksonline/
