Fshati italian Ollolai shet shtëpi për vetëm 1 euro.
Nuk është një shaka apo rreng, por një nismë e mirëmenduar e fshatit të gjendur në ishullin e Sardenjës për t’u gjetur njerëz shtëpive të braktisura.
Nuk është i pari fshat në Itali që ndërmerr një nismë të tillë, por është ndoshta i pari që po e mban premtimin në praktikë. Por siç thotë ajo shprehja “dardha e ka bishtin mbrapa!”, çka do të thotë se kostoja nuk është edhe aq qesharake sa duket.
Shtëpitë e ofruara për 1 euro janë në gjendje të mjerë, kësisoj pronarët e rinj janë të detyruar të investojnë 25 mijë euro për restaurimin e tyre.
Një tjetër kusht për t’u bërë banorë të shtëpive është që s’mund ta shesësh atë 5 vite pasi ke marrë çelsat.
Në 50 vitet e fundit popullsia në këtë fshat është ulur ndjeshëm, nga 2250 banorë në 1300 banorë.
