Policia ka njoftuar se është arrestuar një person në Novobërdë, pasi dyshohet se pas një mosmarrëveshje ka shtënë me armë zjarri në afërsi të një personi.
Sipas njoftimit të policisë, i dyshuari ka goditur me kondak të armës.
Viktima është dërguar për tretman mjekësor, ndërsa në vendin e ngjarjes janë sekuestruar tre gëzhoja.
“Novobërdë 08.11.2025-20:35. Është arrestuar i dyshuari mashkull kosovar pasi që, dyshohet se i njëjti pas një mosmarrëveshje ka shtënë me armë zjarri në afërsi të viktimës mashkull kosovar e me pas e ka goditur me kondak të armës. Viktima ka pranuar tretman mjekësor. Në vendin e ngjarjes janë gjetur dhe konfiskuar tre gëzhoja, ndërsa arma është gjetur në veturën e të dyshuarit. Me vendim të prokurorit, i dyshuari dërgohet në mbajtje”, thuhet në raportin 24-orësh të policisë./IndeksOnline/
