Një 29-vjeçare nga fshati Roskovec i Fierit i ka dhënë fund jetës një ditë më parë duke pirë fostoksinë.
Ajo është Marsela Pirjani dhe ishte nënë e dy fëmijëve 2 dhe 8 vjeç.
Nëna e re është gjetur dje në zonën e Lungomares e shtrirë në gjendje të rëndë shëndetësore, ndërsa nuk ka mundur të mbijetojë, pavarësisht se u dërgua me urgjencë në spital.
Ajo u pa nga kalimtarë të rastit dhe deri sa mbërriti në spital zemra e saj pushoi.
29-vjeçarja ishte nga Fieri dhe ditën e djeshme ka shkuar në Vlorë ku ka pirë sasinë e madhe të fostoksinës. Mirëpo para se të dilte nga shtëpia, sipas Panoramës, ajo kishte lënë një letër për mbesën e saj.
Në shtëpi u gjet letra në të cilën kishte lënë amanetin. “Amanet fëmijët, unë do të vras veten”.
Pirjani e cila ka lënë jetimë dy fëmijë të vegjël kishte probleme të rënda ekonomike dhe vitet e fundit ka qenë në gjendje të rënduar psikologjike.
Ajo ka tentuar të vetëvritet edhe disa vite më parë. Bashkëshorti i saj H.Pirjani nuk kishte dijeni se përse gruaja ka shkuar deri në Vlorë dhe ka pirë fostoksinë.
