Që nga sot qarkullimi me autobusët e “Trafikut Urban” do të jetë me pagesë, përcjell Zeri.info
Kështu ka bërë të ditur “Trafiku Urban” përmes një postimi në “Facebook”.
“Vendimi i Kryetarit të Komunës z. Shpend Ahmeti ka përfshirë udhëtimin papagesë gjatë muajit dhjetor 2020, andaj ju njoftojmë se nga nesër, datë 01.01.2021, udhëtimi është me pagesë”, thuhet në njoftim.
Sipas “Trafikut Urban”, ata të cilët kanë bileta mujore mund t’i përdorin për aq ditë të mbetura për shfrytëzim.
“Për më saktë, mund t’i vazhdoni biletat në kioskë të ‘Trafikut Urban’ (tek ‘Plepat’ dhe ‘Kodra e Diellit’) nga data 4 janar (e martë) sipas orarit të punës që është i vendosur në këto kioskë.
Për të gjithë urojmë që viti 2021 të jetë vit i mbarë! Për më shumë sqarime, të kontaktoni Qendrën e Thirrjeve përmes telefonit ose aplikacionit Viber: 045 10 11 22; 045 10 11 23; 045 10 11 28”, bëhet e ditur në njofitmin e “Trafikut Urban”.
