Nga larg vëmendjes në pasarelë, djemtë e Britney Spears debutojnë në Paris

Djemtë e Britney Spears, Sean Preston Federline dhe Jayden James Federline, kanë bërë debutimin e tyre si model në pasarelë gjatë Paris Fashion Week, duke tërhequr vëmendjen e publikut dhe mediave.

Sean, 20 vjeç, dhe Jayden, 19 vjeç, parakaluan në sfilatën e koleksionit Vetements Menswear Pranverë/Verë 2027, duke shënuar paraqitjen e tyre të parë në botën e modës.

As Britney Spears dhe as ish-bashkëshorti i saj, Kevin Federline, nuk ishin të pranishëm në sfilatë, duke u lënë të gjithë vëmendjen djemve të tyre.

Për Jayden, kjo nuk është paraqitja e parë në një event mode. Muajin e kaluar ai mori pjesë në sfilatën Dior Cruise 2027në Los Angeles, ndërsa kjo ishte edhe dalja e tij e parë në tapetin e kuq pas rreth dhjetë vitesh.