Nesër bota islame do të shënojë Nata e Israsë dhe e Miraxhit, e cila pranohet si “Nata e ngritjes shpirtërore tek Allahu dhe e spastrimit”.
Nata e Israsë dhe e Miraxhit shënohet në natën e 27 të muajit Rexhep, që është muaji i parë i tre muajve të shenjta që filluan më 8 mars.
Sipas besimit islam, profeti Muhammed në natën e Israsë dhe Miraxhit me ftesë të Allahut dhe me Xhebrailin si udhërrëfyes u ngrit nga Mesxhid-i Haram deri në Mesxhid-i Aksa, ndërsa prej këtu në qiej dhe në sferat sublime dhe në paqe hyjnore. Profeti Muhammed këtë udhëtim e bëri me “Burak”.
Falja e pesë vakteve namaz në këtë natë u bënë farz, u dha sihariqi se ata të cilët nuk i bëjnë shok Allahut do të hyjnë në xhenet dhe në këtë natë u shpallën dy ajetet e fundit të kaptinës së Kuranit Bakara.
Gjithashtu në këtë natë Allahu i shpalli profetit Muhammed 12 urdhra me të cilat synohej mbrojtja e të drejtës së njeriut për jetë, nder dhe dinjitet dhe për të siguruar paqen e shoqërisë.
Drejtoria e Përgjithshme e Shërbimeve Fetare e Diyanetit turk, me rastin e Natës së Israsë dhe Miraxhit do të organizojë aktivitete të ndryshme.
