Ministria e Financave ka njoftuar se do të marrë përsipër t’i paguaj për tre muajt e ardhshëm nga buxheti i shtetit, punëtorët të cuilët humbin vendin e punës për shkak të situatës së rënduar ekonomike nga koronavirusi në Kosovë.
Sipas njoftimit të këtij institucioni, largimi i një pjese të punëtorëve nga puna do të jetë i pashmangshëm për biznese të caktuara në këtë situatë.“… në këtë situatë mund të ketë ndërmarrje që nuk mund ta evitojnë largimin e një pjese të punëtorëve nga puna. Për ata punëmarrës që humbin punën përgjatë kësaj periudhe, Qeveria e Kosovës merr përsipër pagesën e një asistence mujore në masën e 130 euro për 3 muajt e ardhshëm”, thuhet në njoftimin e Ministrisë.
Maksimumi i shumës së alokuar në këtë masë, sipas këtij institucioni do të jetë 4 milionë euro.
