Nënkryetari i Komunës së Drenasit, Gani Sylaj së bashku me drejtoreshën për Kulturë, Rini dhe Sport, Flutura Avdiu dhe shefin për Kulturë, Skender Hasi kanë vizituar Bibliotekën e Qytetit “Ymer Elshani” në Drenas, me rastin e pasurimit me ekzemplar të ri.
Me këtë rast Nënkryetari Sylaj falënderoi Ministrinë për Kulturë, Rini dhe Sport-Departamentin e Kulturës, për donacionin e dhuruar për Komunën e Drenasit, përkatësisht Bibliotekën e Qytetit “Ymer Elshani” në Drenas.
Biblioteka e Qytetit “Ymer Elshani” në Drenas është pasuruar me 50 tituj librash përkatësisht 150 ekzemplar të ri.
